Новото фудбалско правило, кое ќе се применува од следната сезона, за прв пат во Бразил беше искористено вчера кога голманот Микаел, на натпреварот од бразилската Серија Б меѓу Пајсанду и Атлетико, задржа време и ја држеше топката 13 секунди на крајот од мечот, па поради тоа судијата досуди корнер за домашната екипа.

И двете екипи беа во неверување, а шокот беше особено видлив на лицето на голманот. Задржувањето на топката на Микаел им помогна на гостите да дојдат до три бода без разлика на досудениот корнер против нив.

За потсетување, ова е правило според кое голманот не смее да ја држи топката во рака повеќе од осум секунди, а доколку тоа се случи, тимот ќе биде казнет, ​​или на ривалот ќе му биде досуден корнер.

Според новото правило, голманот наместо шест, ќе може да ја држи топката осум секунди, но судијата ќе ги брои секундите. На крајот од три секунди, судијата ќе биде должен да ја крене раката и да ги изброи последните пет секунди со прстите.

Ако голманот не ја испушти топката од рацете, судијата ќе ја додели топката во корист на противничкиот тим, односно корнер, што исто така се случи во горниот пример.

A regra dos 8 segundos foi aplicada pela primeira vez no Brasil durante a partida entre Paysandu e Athletico, válida pela Série B.

O goleiro do Furação, Mycael, segurou a bola por 13 segundos, resultando na marcação de um escanteio a favor do Papão.

pic.twitter.com/RhSq6ZeFVz

— Gols do Brasileirão ⚽️🇧🇷 (@golsdobrasil1) April 5, 2025