Денеска во 17 коло од италијанското првенство фудбалерите на Јувентус со 2:1 на гостински терен славеше против Фросиноне.

По првото полувреме водеше „Старата дама“ со погодокот на Јилдиз во 12 минута на стадионот „Бенито Стирпе“.

Домаќините израмнија на стартот од второто полувреме преку Баез (51`), а победата на Јувентус ја донесе Влаховиќ во 81 минута по асистенцијата на МекКени.

На табелата во Серија А Јувентус е второпласиран со 40 бодови, еден помалку зад водечкиот Интер кој има меч помалку. Фросиноне е на 14 позиција со 19 бодови.

Во следното коло Јуве ќе ја пречека Рома на 30 декември, додека еден ден порано Фросиноне ќе му гостува на Лацио.