Правната драма и обвинувањата на Шон Комбс, попознат како Диди, стана една од главните вести во светот на познатите. Вил Смит беше меѓу големите ѕвезди вклучени во гласините за учество на озлогласените забави на Диди, па актерот сега реши да ги демантира тие гласини.

За време на настапот во Опсерваторијата Северен Парк во Сан Диего во четвртокот, актерот излезе на сцената и почна налутено да зборува за Диди, но и за тоа дека не сака да биде поврзан со тековните наводи и драма околу случајот.

@masonfletcher76 Will Smith a real one ? #trends #trending #Diddy #willsmith #willsmithslap ♬ original sound – Mason Fletcher

„Ги гледам вашите мемиња и слични работи“, рече тој. „Некои од тие работи се смешни, но можете да престанете со глупостите. Не бев ни блиску до никакво фрик шоу… Не бев ни блиску до тој човек. Не правев глупости. Така што, кога и да слушнете некого да го каже тоа, лага е“.

Не можеше да одолее да не се пошегува за апсурдните количини бебешко масло пронајдени во имотите на Диди, па додаде низ смеа: „Јас дури не ни сакам масло за бебиња“.

Смит, исто така, призна дека се обидува да ја игнорира негативноста, но чувствува потреба да се справи со ситуацијата поради нејзината сериозност.

„Обично не одговарам на глупави работи. Луѓето кажуваат секакви работи, но ова отиде предалеку. Немам никаква врска со Паф, па можете да престанете со тие мемиња“, изјави тој.