Викторија Бекам (49) можеби има многу таленти и има постигнато безброј успеси, но очигледно сè уште не е подготвена да ја додаде титулата „баба“ во своето резиме.

Имено, ѕвездата се шокирала кога новинарката ја прашала дали е подготвена да стане баба за време на неодамнешното интервју за „Вог“.

„Исусе! Што?. Мислам дека тоа сè уште не се случува, освен ако не знаете нешто што јас не го знам. Сè уште не се случува“, испаничено одговорила таа.

Најстариот син на 49-годишната дизајнерка и нејзиниот сопруг Дејвид Бекам, Бруклин, е во брак со актерката Никола Пелц (29) од април 2022 година. Нивната венчавка на која присуствувале 500 гости чинела дури 3,24 милиони евра, но Никола никако не била задоволна и за време на подготовките сменила дури три агенции за организацијата. Набргу по нивното судбоносно „да“, Бруклин објави дека сака да има десет деца со сопругата.

„Отсекогаш сум сакал да бидам млад татко. Би сакал наскоро да имам семејство, но тоа ќе биде кога мојата сопруга ќе биде подготвена“, изјавил тој за „Интертејмент тунајт“.

И покрај тоа што не сака многу да размислува за тоа дека наскоро би можела да стане баба, Викторија има идеја како би сакала да ја нарекуваат нејзините идни внуци.

„Последниот пат кога бев со Ана Винтур, ја прашав: ‘Како те викаат твоите внуци?’ А таа ми рече: ‘Ана’“, изјавила Викторија, но не открила што мисли нејзиниот сопруг за сé.

ФОТО | Романтичен бакнеж на зајдисонце: Викторија и Дејвид Бекам си го честитаа Денот на вљубените