Фудбалерите на Вест хем во Лондон непријатно го изненадија Манчестер јунајтед совладувајќи го со 1:0, во натпреварот од 35 коло во Премиер лигата.

Стрелец на единствениот гол за „чеканите“ беше Саид Бенрахма во 27 минута, по лошата интервенција на голманот на „црвените ѓаволи“, Давид Де Хеа.

По вториот пораз во низа, составот на Ерик Тен Хаг се наоѓа на четвртото место со 63 бодови.

Вест Хем откако ја прекина серијата од три последователни порази е на 15 позиција со 37 бодови.

Во следното коло Манчестер јунајтед го пречекува Вулверхемптон, а екипата на Дејвид Мојз гостува кај Брентфорд.