Во единствениот денешен натпревар од ракометната Суперлига екипата на Вардар рутински славеше против аутсајдерот Струга.

Победникот беше решен уште во првото полувреме по кое фаворитот водеше со 16:8. Работите не се променија многу и во вториот дел, па Вардар играше сигурно и дојде до триумф од девет разлика 29:20.

Оваа победа за Вардар е еден вид надминување на шокот кој го доживеа во Кавадарци и поразот од Тиквеш. Денеска Струга достоен противник на Вардар беше само во почетните минути од натпревар до резултат 5:5.

Мерис Бошњак од редовите на Струга беше најефикасниот со десет гола, додека за Вардар Мохамед Бахар постигна девет.