Вообичаено периодот кога се слават новогодишните и божиќните празници е проследен со пукање петарди и огномети, кои се сериозна закана за здравјето на животните и домашните миленици. Многу од шепастите пријатели се преплашени од силните звуци на пиротехничките средства кои се користат на прославите, па страдаат од сериозен стрес или срцев удар.

Но секогаш од правилото има и исклучок. Така, едно куче од Русија за разлика од повеќето домашни миленици ужива во огномет.

Корисниците на социјалните мрежи беа воодушевени од необичното однесување на кучето. Судејќи по видеото, ова куче навистина се израдувало од спектаклот на небото.

Како од самиот почеток на видеото да им вели на сопствениците: “Побрзајте, отворете го прозорецот! Сакам да го видам огнометот!”