Фото Икс

ВИДЕО | Ужасна сообраќајка во Египет: Најмалку 32 мртви, над 60 повредени

Во судир на повеќе возила во Египет загинаа 32 лица, а 63 се повредени, објавија државните медиуми на земјата. Судирот на повеќе автомобили се случил на автопат во регионот Бехеира, кој се наоѓа на северниот брег на Египет. На местото на настанот пристигнале бројни возила на брза помош кои ги префрлиле повредените во болница.

Истекување масло од еден автомобил го предизвикало судирот, при што некои возила се запалиле, објави државниот весник Ал-Ахрам, повикувајќи се на полициски извори. Изгорени се шест возила, меѓу кои и патнички автобус.

Сообраќајните несреќи со фатални последици се релативно чести во Египет, а несовесното возење и лошите услови на патиштата се наведуваат како главни причини за несреќите. Во последниве години, Египет изгради мрежа од нови патишта за да го подобри севкупниот квалитет на патиштата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот