Гледачите на циркуска претстава во Мирасема, во северозападниот дел на државата Рио де Жанеиро, доживеале ужас кога пред нивните очи, среде шоуто акробатка паднала од висина од пет метри, јавија светските медиуми.

Поточно, додека изведувала пируети во воздух и висејќи само на косата, уметницата се лизнала и паднала од висина од неколку метри. Веднаш потоа, спасувачите брзо се упатиле да укажат прва помош и таа била однесена во локалното одделение за итни случаи.

Си-ен-ен го контактираше циркусот, чиј правен тим соопшти дека жената добила итна помош и е под надзор.

„Акробатката добива секаква медицинска и материјална помош од циркусот, бидејќи е многу сакана од сите. Инцидентот беше изолиран, бидејќи Цирко Робатини има безбедна инфраструктура и ги почитува законите и прописите што ја регулираат неговата дејност“, соопшти циркусот.