Во натпреварот од второто коло во групата „Б“ на Светското фудбалско првенство репрезентациите на Англија и САД на стадионот „Ал Бајт“ одиграа 0:0.

Најблиску до погодок беше американскиот репрезентативец Кристиан Пулишиќ кој во текот на првото полувреме ја затресе пречката.

Англичаните се на врвот во групата со четири бодови, пред Иран кој има три, САД два, а Велс има еден.

Потсетување дека претходно Иранците со 2:0 славеа важна победа против велшката селекција за останување во трката за влез во осминафиналето.

Во третото коло следниот вторник се закажани натпреварите САД – Иран и Велс – Англија. Сите четири селекции се во игра за нокаут-фазата на Мундијалот, во случај на еднаков број на боддови, се гледа вкупната гол-разлика.