Фудбалерите на Челси обезбедија пласман во четвртфиналето на Светското клупско првенство откако ноќеска ја совладаа Бенфика со 4-1. Натпреварот траеше речиси пет часа, а беше прекинат цели два часа поради најавено невреме кое не беше започнато во времето на прекинот.

Средбата започна во 22 часот по средноевропско време, а заврши дури во 2:50 по полноќ. Судијата одлучи да го прекине мечот во самиот финиш се играше 86. минута и Челси водеше со 1-0 благодарение на погодокот на Рис Џејмс. Поради долгата пауза, трибините беа речиси празни во завршницата.

Откако се вратија на терен, стуацијата на теренот малку се промени. Мало Густо направи прекршок за пенал, а искусниот Анхел ди Марија реализираше за 1-1 во судиското продолжение. Но, второто продолжение беше целосно во знакот на Челси. Бенфика остана со играч помалку откако Престијани доби директен црвен картон, а „сините“ го искористија тоа и за само девет минути постигнаа три гола – Нкунку, Нето и Друсбери-Хол се запишаа во листата на стрелци.

Во четвртфиналето, Челси ќе се соочи со бразилскиот Палмеирас, кој го елиминираше Ботафого со минимални 1-0.