По убедливата победа над Торино во првиот натпревар од новата сезона во италијанскиот фудбалски шампионат, Интер беше непријатно изненаден дома на „Џузепе Меаца“, со пораз од Удинезе со 2:1 во рамките од второто коло.

Миланските „нераѕури“ поведоа со голот на Дамфрис во 17 минута од натпреварот, но до полувремето се случи пресврт.

Прво, Дејвис израмни од пенал, а потоа Ата им донесе водство на гостите со одлиечн удар од 16 метри.

Интер имаше неколку шанси во понатамошниот дел од мечот, гол на Ди Марко беше поништен, а ниту Чалханоглу ниту Тирам не искористија свои шанси. Удинезе го издржа притисокот и дојде до голем триумф.

Екипата на Лацио рутински ја победи Верона со 4:0, а прашањето за победникот беше решено веќе во првото полувреме.

Головите ги постигнаа Гендуци, Закањи, Кастеланос и Диа, за први бодови сезонава во Серија А.

Претходно Торино и Фиорентина одиграа без голови (0:0), додека Јувентус славеше на гостувањето кај Џенова со 2:0.

ВИДЕО | Влаховиќ и Костиќ за триумф на Јувентус во италијанската Серија А против Џенова