Италијанска калуѓерка е меѓу 25-те лица уапсени во Италија под сомнение дека е дел од криминална банда поврзана со најмоќната мафијашка мрежа во земјата, Ндрангета.

Калуѓерката е осомничена дека била канал помеѓу бандата и нејзините соработници во затворот, соопштија во четвртокот обвинителите во Бреша, северна Италија.

Поранешен советник на Фратели д’Италија, партијата предводена од премиерката Џорџа Мелони, и поранешен политичар од Лега, партнер во владејачката коалиција, исто така беа уапсени, а над од 1,8 милиони евра незаконски стекнати добивки се запленети во рациите во раните утрински часови неколку градови во регионите Ломбардија и Венето, како и во Калабрија на југ.

Осомничените се обвинети за кривични дела, вклучувајќи изнуда, трговија со оружје и дрога, лихварство, даночни кривични дела, перење пари и, во случајот со политичарот Лега, купување гласови. Политичарот од партијата на Мелони, наводно, се ставил на располагање на бандата „за време на извршувањето на злосторствата“.

Калуѓерката Ана Донели (57) била волонтер во затворот Сан Виторе во Милано од 2010 година, а работела и во затворите во Павија и Рим, според РАИ. Во февруари таа беше еден од добитниците на „Златно Панетоне“, годишна граѓанска награда на Милано.

@ilmessaggero.it A suor Anna Donelli, ai domiciliari nell’ambito dell’inchiesta della Dda di Brescia su un’associazione di tipo ‘ndranghetista, è contestato di aver messo a disposizione del gruppo “la propria opera di assistenza spirituale nelle case circondariali e di reclusione per veicolare messaggi tra appartenenti all’organizzazione criminale e i soggetti detenuti in carcere” #suora #arrestata #annadonelli #ndrangheta #crnaca ♬ News, news, seriousness, tension(1077866) – Lyrebirds music

Мафијата Ндрангета, која потекнува од Калабрија, е една од најбогатите организирани криминални групи во светот.

Го искористи својот огромен приход од кокаин за да го прошири својот досег низ Италија, остатокот од Европа и пошироко. Претходно оваа година, повеќе од 130 лица беа уапсени во координирани рации во неколку европски земји како дел од акцијата против организацијата.