Ви препорачуваме

ВОЈНА ВО УКРАИНА

фото: Screenshot/instagram.com/tbf/

ВИДЕО | Турска „забава“ во Рига – Џеди Осман блескаше во победата над Летонија на Евробаскет

Ф.К.
Пред

Турската кошаркарска репрезентација ја победи Летонија со резултат од 93:73 во првото коло од Групата А на Евробаскетот. На Летонците не им помогна ниту поддршката од домашните навивачи во „Ксиаоми Арена“.

Добиј ги најважните вести, бесплатно на Viber

Препорачано

Турскиот тим го заврши натпреварот со 60 проценти успешност во шутирањето за два поени (18/30) и идентичен процент во шутирањето за три поени (15/25), што е навистина реткост во статистиката.

На крилата на разиграниот Кенан Сипахи и во рекетот на снаодливиот Алперен Шенгун, Турците влегоа доминантно во дуелот од самиот почеток. За помалку од четири минути игра, тие добија двоцифрено водство (13:3) и го принудија летонскиот тренер Лука Банки да реагира со тајм-аут.

Турците продолжија во ист ритам доаѓајќи до убедливи „плус 14“ – 24:10. На самиот крај од првата четвртина, Летонците конечно најдоа лек за агресивната турска одбрана. Тие одговорија со серија од 11:0 и пред првата пауза од две минути ја намалија разликата на само три поени – 24:21.

Сепак, избраниците на Ергин Атаман не дозволија водството да им се лизне од рацете. Тие постојано ја чуваа позитивата, на полувреме отидоа со плус осум (47:39), а потоа го решија третиот период во своја корист со резултат 25:16 и практично веќе тогаш го решија прашањето за победникот.

Најефикасен играч во турската репрезентација беше Џеди Осман (роден во Охрид) со 20 поени. Кенан Сипахи постигна 19 (5/5 за тројки), Алперен Шенгун 16 и Шејн Ларкин 15 поени (3/5 за тројки).

Кај кошаркарите на Летонија се истакна Рихардс Ломајс со 16 поени. Артурс Јагарс постигна 11 поени, а Кристапс Порзингис и Роландс Шмиц постигнаа по 10. Турција ќе игра против Чешка во второто коло од Групата А, во петок во 13.45 часот, додека Летонија ќе се сретне со Естонија, истиот ден од 17.00 часот.

ВИДЕО | Литванците ја оправдаа улогата на фаворит со победа над Велика Британија на Евробаскет

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

КЛИКНИ ЗА ДОНАЦИЈА

#турција #Летонија #препорачано #евробаскет 2025
Видео на денот
  • Најново
  • Најчитано

Препорачано од оваа категорија

Прочитајте повеќе

Спектакл во Кавадарци: Вардар и Еурофарм Пелистер за пехарот во македонскиот Супер Куп
ВИДЕО | Ѓоковиќ го загуби првиот сет, па направи пресврт против Свајда за трето коло на САД опен
Петтиот тенисер на светот Џек Дрејпер се повлече од САД опен
ВИДЕО | Новиот македонски репрезентативец Растодер прогласен за играч на колото во Швајцарија
ВИДЕО | Германија во вториот дел ја урна Црна Гора, одлични Шредер и Обст во Тампере
ВИДЕО: Литванија собори рекорд на европските првенства во првиот меч на Евробаскет 2025
Руи Мота: Се надевам дека резултатот од првиот меч со Шкендија е само случајност
Кој е највисокиот, а кој најнискиот играч на Европското првенство во кошарка?