На јутјуб-каналот „ТНТ продакшн“ е објавен спотот за темата „Контра блуз (Не се ку.чи мен). Во составот на ова новосоздадено музичко трио се Гуру Харе, Мите и Ристо Разбираш.

Текстот и аранжманот на темата, базирана на најпознатиот блузерски риф, е на Игор Атанасоски – Харе, вокал е Ристо Разбираш (Васко Тодоров), зад тапаните е Мите Димовски, додека гитарата и басот се отсвирени од Игор Атанасоски – Харе.

Музиката е снимена и продуцирана во студиото „Тралала“ во Скопје, а продуцент е Мите Димовски. Видеото го сними Тоше Јанев – Јанус, а бендот упатува благодарност до клубот „Маракана“ во Скопје.

Спотот за темата „Контра блуз (Не се ку.чи мен)“ е најава на нов и свеж музички проект што ќе се развива во блиска иднина.