Доцна синоќа, на булеварот Партизански одреди во Скопје се случи сообраќајна несреќа. Според очевидци на настанот, неколку автомобили се тркале, по што излетаа од коловозот и завршија на тротоарот.

Според снимките кои граѓаните ги доставија до „Слободен печат“, може да се види дека при ударот, откорнати се зелените заштитни столбови кои „летале“ неколку метри.

На местото на несреќата веднаш пристигналa екипa на Брза помош и полиција за да интервенираат и да ги обезбедат повредените лица. Полицијата вршеше увид и го регулираше сообраќајот.