Вивијан Џена Вилсон, трансродовата ќерка на Илон Маск, на шега одговори на изјавата на својот татко во која се вели дека неговиот син Хавиер (како што порано се викаше) е „убиен“ од „воук“ вирусот.

Терминот „воук“ вирус се користи од луѓе кои сакаат да ја опишат прекумерната посветеност на прогресивните ставови за кои се залагаат демократите. Маск верува дека на Вивијан ѝ е испран мозокот токму со овие ставови.

„Мојот син Хавиер умре. Го уби вирусот „воук“ . Сега „воук“ вирусот ќе умре“, напишал Маск неодамна на „Икс“.

Вилсон го споделила скриншотот од овој негов твит на ТикТок и снимила видео:

„Изгледам поприлично добра за мртва ку*ка“, а во описот на видеото навела: „А ти не“.

Видеото досега е прегледано речиси осум милиони пати и има повеќе од милион лајкови.

@vivllainous And you don’t. #fyp #trans ♬ original sound – RuPaulEdits1

За потсетување, таа неодамна даде интервју за тинејџерскиот „Вог“ во кое зборуваше за несогласувањата кои ги има со нејзиниот татко.

„Тој е патетичен детски човек. Зошто би се плашела од него? „Тој е толку моќен“. „Не, не, не. Не ми е гајле. Дали треба да се плашам од него затоа што е богат?“, изјави таа.