Американскиот претседател Доналд Трамп ја нападна новинарката на Си-ен-ен во Белата куќа, навредувајќи ја американската телевизиска мрежа и нејзиниот кредибилитет пред гостинот, претседателот на Ел Салвадор.

Претседателот Доналд Трамп во понеделникот ја исмејуваше Кејтлан Колинс од Си-ен-ен во Белата куќа додека седеше со претседателот на Ел Салвадор, Најиб Букеле и двајцата одговараа на новинарски прашања.

„Да не започнуваме со Си-ен-ен, бидејќи тие едноставно грешат“, започна Трамп, додека двајцата одговараа на прашања од акредитираните новинари во Белата куќа, каде што беше присутна Колинс.

Трамп се изнервира кога Колинс го праша за погрешната депортација на Килмар Амбрего Гарсија, кој се наоѓа во затвор во Ел Салвадор. Откако ја опиша мрежата како „канал со ниска оцена“, а за новинарката рече дека има слаб рејтинг на Си-ен-ен, Трамп избегна да одговори на прашањето.

„Колку долго треба да одговараме на ова прашање?“, рече Трамп. „Зошто само не кажете, зарем не е прекрасно што ги чуваме криминалците надвор од нашата земја? Зошто не можете само да го кажете тоа?“

Кога Колинс повторно побара одговор, прашувајќи дали Трамп ќе ја почитува пресудата на Врховниот суд за овој случај, тој дополнително ја исмеваше нејзината телевизиска мрежа.

„Зошто одите одново и одново, затоа веќе никој не ве гледа, немате кредибилитет“, рече Трамп.

Претседателот на Ел Салвадор одговори: „Барате од нас да го вратиме во САД. Како можам да прошверцувам криминалец?, истакна Букеле, прифаќајќи го американскиот наратив дека е „криминалец“ таткото од Мериленд за кој Врховниот суд донесе пресуда дека е неправедно депортиран во Ел Салвадор и треба да се врати во САД кај сопругата и детето.

Претседателот Букеле изрази восхитување од брзиот пресврт на Трамп со граничното управување на јужната граница на Соединетите Држави откако го наследи претседателот Џо Бајден во јануари.

Тој го праша Трамп зошто медиумите во Соединетите Американски Држави почесто не известуваат за добрите бројки на границата, а Трамп прашањето го искористи за повторно да ги навреди Си-ен-ен.

Трамп рече дека има „99,1 отсто“ ефикасно управување на јужната граница и се пожали дека медиумите немаат интерес да ја соопштат добрата вест.

„Па, тие бројки излегуваат, но оние што шират лажни вести како Си-ен-ен овде не сака да ги истакне добрите бројки, затоа што мислам дека всушност ја мразат нашата земја“, продолжи Трамп.

Кога новинарката го праша претседателот на Ел Салвадор Најиб Букеле за одговор, Трамп интервенираше, велејќи:

„Дали е можно да му кажете на претседателот на Ел Салвадор што да прави со своите граѓани? Затоа никој не vе гледа. Сакате да ги пуштиме криминалците на слобода. Вие сте болни луѓе“, рече Трамп.

Trump on CNN: “I think they hate our country.”

That’s what dictators do — they portray any media outlet they don’t control and that doesn’t praise their corrupt regimes 24/7 as the enemy of the state.pic.twitter.com/7BHPVWJf61

— Republicans against Trump (@RpsAgainstTrump) April 14, 2025

На изречените навреди од Трамп, реагираше водителката Дејна Беш од Си-eн-eн во нејзината попладневна емисија во понеделникот.

„Си-eн-eн не ја мрази нашата земја, тоа треба да се подразбира“, рече Беш, отфрлајќи ги неговите забелешки како „реторичка направа“.