Мотоциклист кој заедно со мотоциклот пропаднал во огромна дупка која се отворила додека возел по булевар во областа Гангдонг, во главниот град на Јужна Кореја по 12 часа потрага е пронајден мртов.

Инцидентот се случил во понеделникот, кога патот наеднаш попуштил, при што го однесе несреќниот возач.

Спасувачите го пронашле телото на мажот во вторник наутро, во 11 часот по локално време, на околу 50 метри од местото каде што тој паднал. Идентитетот на мажот на возраст од околу 30 години не е соопштен.

Според Би-Би-Си, дупката, широка 20 метри и длабока 20 метри, предизвика силна загриженост, додека на интернет кружат снимки од камерата што го снимаат моментот на потонувањето. На видеото се гледа како мотоциклот паѓа во отворот на патот, додека автомобилот напред успева да го избегне во последен момент.

Rescue efforts continued Tuesday to locate a motorcyclist who fell into a massive sinkhole in Seoul’s Gangdong-gu district, more than 12 hours after the incident, authorities said.https://t.co/9QfY8etBXN pic.twitter.com/Uf3J7RD5Ng

— The Korea Herald 코리아헤럴드 (@TheKoreaHerald) March 25, 2025

Шефот на противпожарната служба во Гангдонг, Ким Чанг-сеоп, изјави дека на местото на уривањето има околу 2.000 тони земја и вода. Во истиот инцидент повреден е и возач на автомобил, но тој не е во животна опасност.

Засега не е познато што го предизвикало спуштањето на земјиштето. Сепак, неодамнешниот извештај до метрополитенската влада на Сеул откри дека во изминатите десет години, во градот се случиле 223 такви инциденти, главно поради лошо одржување на инфраструктурата, истрошени или стари цевки, долгорочно слегнување на тлото или несреќи при ископ.