Најмалку 28 луѓе загинаа а по 14 се трага откако туристички брод се преврте во Виетнам поради лошото време. Инцидентот се случи денеска, во популарното туристичко место на северот од земјата „Ха Лонг Беј“.

Најголем дел од патниците биле виетнамски семејства кои што дошле во посета од главниот град Ханои. Силните дождови ја отежнуваат потрагата по преживеаните но досега живи од водата се извлечени 11 луѓе. Бродот „Чудесно море“ превезувал 53 патници кога се превртел поради надоаѓање на силна бура според соопштение на виетнамската гранична полиција и морнарица.

Меѓу спасените е 14 годишно момче кое со часови било заробено во воздушен џеб на превртениот брод. Меѓу спасените е и друго 10 годишно момче кое е во стабилна состојба во болницата „Баи Чаи“. Од 28-те жртви, 8 се деца.

Потрагата по исчезнатите во водите продолжува во текот на целата ноќ. Премиерот Фам Минх Чин изрази сочувство за семејствата на загинатите.
„Ха Лонг Беј“ привлекува 4 милиони туристи според извештајот од 2019 година и претставува заштитено подрачје под УНЕСКО.