Фудбалерите на Тотенхем на домашен терен го совладаа Фулам со 2:0, во последниот натпревар од деветтото коло во Премиер лигата.

Головите за домашната екипа ги реализираа Сон Хјунг Мин во 36 и Џејмс Медисон во 54 минута. Во првото полувреме играчите на менаџерот Постекоглу можеа да постигнат уште еден гол, но Удоџи и Кулушевски беа непрецизни.

Медисон имаше уште еден шанса до крајот на мечот, а на спротивната страна Викарио го одбрани ударот на Раул Хименес.

На табелата води Тотенхем со 23 бодови, пред Манчестер сити и Арсенал кои имаат по 21, а Ливерпул е на четвртата позиција со 20. Фулам по четвртиот пораз сезонава е на 13 место со 11 бодови.

Во следното коло Тотенхем ќе му гостува на Кристал палас, додека Фулам ќе оди кај Брајтон.