Фудбалерите на Челси денеска изненадувачки убедливо со 2:5 загубија од екипата на Вест Бромвич во рамките од 30 коло во Премиер лигата. Ова е прв пораз за Томас Тухел како менаџер на лондонските „сини“, а една од причините за ваквиот резултат е црвениот картон на Тијаго Силва во 29 минута при водство на домаќините од 1:0.

Во 27 минута Пулишиќ реализираше за предност на клубот од Стемфорд Бриџ, а после исклучувањето на Силва, Тухел се одлучи за поцврста одбрана, односно Кристенсен го замени Зијеш. Тоа не помогна, во судиското надополнување од првиот дел Переира двапати се запиша во листата на стрелците како најава за катастрофа на Челси.

Во 63 минута после нова прекрасна акција, Робинсон испрати волеј под пречката за 1:3, а во 68 минута ВБА го изведе најубавиот свој напад досега оваа сезона, Переира на крајот асистираше до Диањ кој погодува за недостижни 4:1.

Германскиот репрезентативец Вернер асистираше до Маунт за намалување, а конечниот епилог го постави Робинсон со својот втор погодок на мечот.

Челси е на четвртото место со 51 бод, 20 помалку од лидерот Манчестер сити, а ВБА е на претпоследното 19 место со 21 бод.