Објавен е првиот краток трејлер за биографскиот филм „Целосно непознат“ (A Complete Unknown) во режија на Џејмс Манголд. Драмата раскажува за животот на американскиот пејач и композитор Боб Дилан, кој во филмот ќе го игра младиот актер Тимоти Шаламе.

Филмот е сместен во Њујорк во раните шеесетти години и го следи подемот на 19-годишниот Боб Дилан, музичар од Минесота, и неговиот пат до славата. Неговите песни и тајност му помогнаа да стане светска сензација, што резултираше со настап на Фолк фестивалот во Њупорт во 1965 година.

Освен што го гледаме Шаламе како Дилан, во видеото може да се слушнат и песни од пејачот, како што е „A Hard Rain’s A-Gonna Fall“, испеана од познатиот актер.

Покрај Шаламе, во филмот играат и Ел Фанинг, Бојд Холбрук, Едвард Нортон, Моника Барбаро, Скот Мекнаири и Ден Фоглер. Сценариото, засновано на книгата Дилан оди на електричен погон од Елајџа Волд, го напишаа Манголд и Џеј Кокс.

Откако беше објавен првиот краток трејлер за биографската драма, која треба да се појави во кината во декември, многумина од гледачите се воодушевија од трансформацијата на младиот актер.

ВИДЕО | „Поважно ми е да бидам здрава“: Селена Гомез одговори на критиките за вишокот килограми