Американскиот филмски режисер Квентин Тарантино гостуваше во „Шоуто на Џими Кимел“, каде откри дека, според него, досега во историјата имало само седум „совршени“ филмови.

Ниту еден од неговите филмови не е на тој список, а оние што ги наброја се издадени во седумдесеттите и осумдесеттите години од минатиот век.

„Тоа само покажува дека снимањето филмови е тешко“, истакна тој.

Остварувањата се: „Тексашкиот масакр со моторна пила“ (1974), „Ајкула“ (1975), „Егзорцист“ (1973), „Ени Хол“ (1977), „Младиот Франкенштајн“ (1974), „Враќање во иднината“ (1985) и „Дивата орда“ (1969).

Последниот, седми на листата, „сепак не е совршен, но несовршеностите го прават совршен“, вели Тарантино.

Исто така, режисерот се осврна и на неодамнешните коментари на раперот Канје Вест, кој тврдеше дека Тарантино „му ја украл идејата“ за филмот „Џанго Разузданиот“.

„Не е така. Ја имав идејата уште пред да го запознаам Вест“, рече тој.