Откријте ја неверојатната приказна за Британи Лакајо и нејзиниот рекордно широк јазик. Овој необичен талент ја донесе до светска слава, а нејзиното име сега има свое место во Гинисовата книга на рекорди.

Таа порано го криеше тоа како да е најстрога тајна, а денес гордо му го покажува на целиот свет. Бритни Лакајо, адвокатка од Хјустон, со години криела една физичка црта што ја правела да се чувствува непријатно, нејзиниот неверојатно голем јазик.

И не, не зборуваме со метафори. Нејзиниот јазик е буквално речиси со иста ширина како кредитна картичка – точно 7,9 сантиметри. Толку е широк што ѝ го донесе официјалниот Гинисов рекорд за најширок женски јазик во светот.

Уште како дете, Бритни знаела дека е „различна“. Нејзиното семејство и пријателите често ја задевале, но таа се обидувала да го игнорира сето тоа, па дури и да не отвора уста повеќе отколку што треба на работа, за колегите да не го забележат нејзиниот „скриен дар“.

Пресвртот се случил кога видела видео од тогашната рекордерка Емилија Шленкер на интернет и помислила дека нејзиниот јазик е поширок. Набрзо следеле прецизни мерења, пријава во Гинисовата книга на рекорди и потврда за официјален рекордер.

Разликата од претходната рекордерка била точно 0,57 сантиметри, доволно за да влезе во историјата.

Бритни вели дека ѝ е забавно и малку смешно сега кога се сеќава колку се срамела порано од нејзиниот јазик. Денес, таа е горда и подготвена да покаже што криела со години.