Норвешката новинарка Кјерсти Фла, која сподели старо интервју со Блејк Лајвли од 2016 година, кое потоа стана вирално поради гласините за расправија помеѓу актерската екипа на „Ова завршува со нас“ (It Ends With Us), повторно стана вирална на социјалните мрежи.

Овој пат поради интервјуто со Ен Хатавеј од 2012 година.

Интервјуто се одржа додека Ен го промовираше мјузиклот „Клетници“ (Les Miserables) со Хју Џекман, Расел Кроу, Аманда Сејфрид и Еди Редмејн во главните улоги.

Кјерсти Фла го објави своето интервју со Ен на Тикток и на Јутјуб.

„Во ова видео сакав да ви покажам нешто навистина, навистина непријатно“, вели Кјерсти.

На почетокот новинарката ѝ вели на актерката, бидејќи филмот е мјузикл: „Мислев дека првото прашање треба да го направиме малку поинаку. Мислев да ти го отпеам, а потоа можеш да ми одговориш со пеење“.

@kjerstiflaa This didn’t go as planned. ?Watch my lateat episode on YouTube where i go down memory lane showing another cringe interview. Link in bio ⬆️ #annehathaway #foryou #celebritytiktok ♬ original sound – Flaawsome Talk

Актерката тогаш ѝ одговорила: „Па, нема да го правам тоа, но ти можеш да пееш“.

Ова интервју веднаш ги подели мислењата за Тикток: „Ова е исто толку лошо како интервјуто на Блејк Лајвли“, „Таа е таков сноб“, „Некако ја сакав Ен Хатавеј“, „Не разбирам зошто е толку тешко на некои познати личности да бидат учтиви со новинарите кои искрено поставуваат прашања“, се само дел од коментарите.