Македонските музички групи „Суперхикс“ и „21. век“ го промовираа видеозаписот за нивната заедничка песна „Правда“, која се најде на последниот студиски албум на „Суперхикс“ – „Сила и нервоза“.

Текстот го напиша Борис Минов, а музиката и аранжманот се заедничко дело на „Суперхикс“ и „21 век“. Продукцијата е реализирана во студиото „ТРА ЛА ЛА“ во Скопје, под водство на продуцентот Мите Димовски.

Видеозаписот е во режија на Милан Блажевски, со Огнен Ацевски како директор на фотографија. Марко Најдановски придонесе како асистент на камера, додека Виктор Атовски беше задолжен за дрон операциите. Костимографијата, сценографијата и организацијата беа под раководство на Борис Минов.

Во главната улога на Правдамен се појавува Александар Георгиев, додека останатите улоги ги толкуваат членовите на „Суперхикс“ и „21 век“.

Членовите на групата сакаат да упатат искрена благодарност кон Александар Велиновски од „Јавна соба“, како и кон Елена Вангеловска и Андреј Бартлинг, чиј значаен придонес беше клучен за успешната реализација на овој проект.