На натпреварот помеѓу Вардар и Струга викендов во рамките од деветтото коло во ПМФЛ видовме една спорнаа ситуција во која по прегледувањето на ВАР беше досуден пенал за Врдар.

Денеска од ФФМ информираат дека Судиската комисија ја потврдува одлуката, односно дека арбитрите правилно постапиле со досудената најстрога казна за „црвено-црните“.

„Судиската комисија при Фудбалската федерација на Македонија информира дека одлуката донесена во 51. минута од натпреварот помеѓу Вардар и Струга Трим Лум, одигран во рамките на 9. коло од Првата македонска фудбалска лига, е исправна.

По преглед на видео снимката, беше потврдено дека по центашутот на Маневски, одбранбен играч на Струга Трим Лум, Илиевски играл со рака во сопствениот казнен простор, по што главниот судија со помош на ВАР технологијата правилно досуди казнен удар во корист на домашниот тим.

Судиската комисија ја потврдува правилноста на одлуката, која е во целосна согласност со Правилата на играта и ВАР протоколот“, стои во соопштението.

Преземено од: Спорт.ком.мк