Популарниот јутјубер и боксер Џејк Пол го нокаутираше поранешниот УФЦ шампион, Тајрон Вудли.

Пол веќе еднаш го совлада Вудли со судиска одлука, а сега тоа го направи на еден брутален начин.

Со еден силен удар во шестата рунда го испрати својот противник на подот, а судијата веднаш го прекина мечот.

Пол на тој начин докажа дека не е само јутјубер, туку и дека поседува сериозни вештини во светот на боксот и дека го сфаќа како сериозна професија.

Ова е веќе петта победа за него во кариерата во исто толку борби. На видео записот можете да го погледнете неговиот нокдаун против Вудли.