„Кој му нареди на раководството на МИА да цензурира, а патем заборави дека интернетот не работи по диктат?!“, пишува претседателот на Сојузот на синдикати (ССМ), Слободан Трендафилов, кој обвинува дека државната новинска агенција избришала снимка со неговата изјава по денешната седница на Економско-социјалниот совет во Владата.

„До мене пристигнуваат загрижувачки пораки дека Медиумската информативна агенција (МИА) која во живо ги пренесуваше изјавите на синдикатите по одржување на седницата на Економско-социјалниот совет, го прекинала преносот во живо, а видеото од преносот го избришале и не може да се најде на нивниот официјален профил? Во прилог го објавувам делот од видеото објавено па избришано од МИА, а целата изјава по завршување на седницата ќе биде објавена подоцна“, пишува Трендафилов во објава на социјалните мрежи.

„Стасавте и да цензурирате?!“ – прашува тој.