Група средношколци од средното стручно електротехничко училиште„Михајло Пупин“ од Скопје заедно со нивните професорки дојдоа на посета  на редакцијата на „Слободен печат“ каде од уредниците, новинарите и техничкиот персонал се информираа за професионалните и техничките аспекти на еден медиум, новинарските стандарди и работата на медиумските професионалци, а воедно беа и дел од нашата емисија „Утрински печат“, и го споделија нивното искуство и очекувањата по завршувањето на средното образование.

Нивните професорки велат дека прават се да ги образоваат младите кадри од електротехничката и информатичката струка за да можат потоа да останат да живеат и да работат во земјата, што се поклопи со темата која утринава се обработуваше во емисијата „Утрински печат“.

Средношколците се запознаа со функционирањето на трите сегменти на „Слободен печат“, весникот, порталот и студиото од кое секое утро од 9 часот во работните денови се емитува емисијата „Утрински печат“ со гости од сите сфери кои зборуваат на актуелни теми.

Во разговор со уредниците на средношколците им беше посочено колку е важна медиумската писменост за младите луѓе, и како да пристапуваат кон содржините објавените во медиумите но и на социјалните мрежи, како и за опасноста од ширењето на лажни вести и дезинформации.

За ненајавената посета на ученциите од „Пупин“ во „Слободен печат“ погледнете го видеото…