Репрезентациите на Швајцарија и Србија вечерва одиграа реми 1:1 во рамките од петтото коло во Лигата на Нации.

Во првите 45 минути не видовме погодоци и на двете страни и мрежите мируваа. Најголемата шанса за Србија ја пропушти Влаховиќ, а во 55. минута не се прослави и Митровиќ кој не реализираше најстрога казна. Промашувањата на Србите ги казни Амдоуни на десетина минути пред крајот. Сепак, Србија го избегна поразот со голот на Влаховиќ во 88. минута.

Во групата на Србија Шпанија ја оправда фаворитската улога со Данска и славеше триумф од 1:2.

Своја вечер имаше и Кристијано Роналдо кој со Португалија се радуваше на победа од 5:1 против Полска. Сите шест гола на овој натпревар беа постигнати во последниот половина час.

Леао, Фернандеш, Нето и двапати Роналдо стрелаа за Португалија, додека Марчузук го постигна утешниот гол за Полјаците. За издвојување е вториот гол на Португалецот кој погоди со „ножички“.

Во вториот натпревар од оваа група Шкотска ја совлада Хрватска со 1:0.