Фантастичен натпревар одиграа Баер Леверкузен и Волфсбург кој заврши со победа од 4:3 на актуелниот шампион во Бундеслигата.

Леверкузен до победата дојде на начин како што видовме многу пати од нив во текот на минатата сезона. Гостите со автоголот на Мукиеле дојдоа до предност, но по половина час веќе беше 2:1 за Баер, а стрелцаа Вирц и Тах.

Но, на крајот на првиот дел сепак Волфсбург беше тој кој имаше предност. Погодуваа Борнаув и Шванберг за водство од 3:2.

Чаби Алонсо во второто полувреме на теренот ги уфрли Хикапи и Бонифас, а двајцата со по еден гол обезбедија триумф. Победничкиот го постигна Бонифас во третата минута од судиското продолжение.