Познатиот готвач и член на жирито од едно кулинарско шоу, Греам Елиот, открива едноставен, но ефикасен трик за подготвување совршени плескавици на скара – користење коцка мраз, пишува „Пун кофер“.

Доволно е да ставите една коцка мраз во средината на секоја плескавица додека се пече и лесно да ја притиснете со прстите. Така месото ќе остане сочно, нема да се исуши при печењето, а сепак ќе добие убава, печена кора. Освен тоа, мразот помага плескавицата да го задржи обликот.

Елиот дополнува дека не треба да се додаваат премногу состојки во месото, како кромид или пиперки, бидејќи вкусот на месото треба да доминира. Остатокот може да се додаде подоцна, по желба.