СОС Детско село од 2001 година посветено работи на остварување на мисијата ниту едно дете да не расте само.

Нивните програми се насочени кон поддршка на згрижувачките семејства, зајакнување на семејствата во ризик и економско осамостојување на младите од ранливи групи. За овие 24 години успеаја да го променамт животот на повеќе од 5000 деца и млади, овозможувајќи да растат во сигурна и грижлива семејна средина и да бидат самостојни и финансиски стабилни единки во нашето општество.

По повод 15 мај – Меѓународниот ден на семејството, познатиот македонски музичар и композитор Игор Атанасоски-Харе, заедно со десет македонски музички ѕвезди ја сними песната „Насмевка“, како дел од проектот на СОС Детско село.

– Особена благодарност упатуваме до авторот Игор Атанасоски – Гуру Харе, кој заедно со 10 врвни македонски музички уметници: Игор Џамбазов, Пере Нокаут, Сара Мејс, Дани Димитровска, Антонија Гиговска, Влатко Лозано, Тамара Тодевска, Мијата, Андријана Јаневска и Стефан од Некст Тајм – се приклучија на нашиот повик за љубов, поддршка и заедништво и ни подарија нешто волшебно убаво – емотивна, топла и искрена песна со наслов „Насмевка“, која ќе биде симболот на овој ден-  велат од СОС Детско село.

(Комерцијален текст)