Фудбалерите на Атлетико Мадрид славеа победа од 4-0 во рамките од 35. коло против Реал Сосиедад, а во центарот на вниманието беше Норвежанецот Александар Сорлот кој постигна четири гола за едно полувреме.

Сорлот го отвори резултатот во седмата минута, додека во 10-тата го постигна вториот, а во 11-та за само четири минути комплетираше хет-трик. Ова беше и најбрзиот хет-трик постигнат во Ла Лига за точно три минути и 57 секунди игра.

Интересно е што рекордот претходно го држеше фудбалер на Атлетико и тоа Кевин Гамеиро кој во сезоната 2016/2017 постигна три гола за четири минути и 44 секунди.

До крајот на првиот дел Сорлот во 30-тата минута и четврти пат се запиша во листата на стрелци. Во второто полувреме  резултатот не се промени.

Со оваа победа Атлетико дојде до 70 бода, пет помалку од вторпласираниот Реал Мадрид и девет од Барселона која е лидер.