Сопругата на Брус Вилис, Ема Хеминг Вилис проговори за предизвиците и секојдневната борба со која се соочува откако на актерот му беше дијагностицирана афазија, а потоа и фронтотемпорална деменција.

Во објава на Инстаграм, таа сподели дека не се чувствува добро, но дека секојдневно прави напори да открие нешто убаво. Меѓу другото, таа потсети дека дури и во тешките времиња – животот е убав. Токму затоа ги покани нејзините следбеници да споделат фотографии од убави моменти со неа.

Многумина ѝ испратија таква содржина, а таа одвои дел од фотографиите и ги сподели на Инстаграм, изразувајќи благодарност до оние кои ѝ одговорија на поканата.

„Знам дека изгледа како да сум надвор и како да го живеам својот најдобар живот, но секојдневно морам да се трудам да живеам најдобро што можам. Го правам ова за себе, го правам ова за нашите деца и го правам ова за Брус, кој не би сакал да живеам поинаку“, рече таа во снимката објавена на Инстаграм.

„Не сакам да бидам погрешно сфатена дека сум добро, бидејќи – не сум. Не сум добро“, сподели таа и додаде дека нејзините размислувања често водат во „пропаст и тага“.

Сопругата на Вилис раскажа дека тоа е нејзина секојдневна задача, која не ѝ е лесна, но смета дека е навистина важна за неа и нејзиното семејство.

„Кога не се грижиме за себе, тогаш не можеме да се грижиме за никого што го сакаме“, објасни таа, нагласувајќи дека само прави најдобро што може.

Да потсетиме, откако семејството на Брус Вилис во март 2022 година објави дека на актерот му е дијагностицирана афазија и дека ќе се повлече од актерството, неодамна беше откриено дека има нова дијагноза – фронтотемпорална деменција.

ФОТО+ВИДЕО | Сопругата на Брус Вилис сподели срцепарателно видео по повод годишнината од нивниот брак