Тинејџер од Швајцарија бил бркан од полицијата откако допатувал во Романија и украл автомобил за да го најде Дракула и да биде претворен во вампир.

Минатата недела 19-годишното момче пристигнало во Фарагаш, во Трансилванија, на 400 километри од шумата Хоја-Бациу, каде планирал, како што вели, да се сретне со Дракула.

Меѓутоа, во Фарагас останал без пари, па на 20 октомври украл автомобил и се упатил кон својата дестинација, пишува „Дејли мејл“.

Teenager is chased by police after travelling to Romania and stealing a car so he could find Dracula and be turned into a vampire https://t.co/JvSUmy01vp pic.twitter.com/k7FqDIzpGP

— Daily Mail Online (@MailOnline) October 21, 2024

Откако сопственикот го пријавил возилото за исчезнато, полицијата започнала потера. Младиот Швајцарец бил забележан, а пред да биде уапсен оштетил пет автомобили и повредил три лица.

„Сакав да одам во шумата за да го најдам прадедо ми, грофот Дракула. Сакав да ме претвори во вампир. Цел живот сонував за тоа и сега сум тука“, им рекол тој на истражителите.

Еден од сведоците на полицијата им објаснил дека бегалецот се движел „цик-цак“ по улицата.

„Тој ја удри мојата десна врата и ме фрли на работ. Бев исплашен, но не бев повреден“, рекол мажот.

Тинејџерот во еден момент го оставил украденото возило и побегнал пеш, но набрзо бил фатен. Локалните медиуми јавуваат дека уапсениот наводно бил под дејство на наркотици. Тој бил префрлен во болница каде му биле направени тестови.

Тој нема возачка дозвола и се наоѓа во 24-часовен притвор додека трае истрагата за кражбата и повеќе сообраќајни прекршоци.