Провокативната актерка Софија Вергара ги воодушеви своите следбеници танцувајќи синхронизирано со сестрата и внуката во ритамот на латино музика.

На Денот на благодарноста таа со објава на својот инстаграм-профил им покажа на обожавателите како изгледа прославата на овој празник на нејзиното семејство заедно со пријателите, вклучувајќи го и гуруто за веѓи Анастасија Соаре.

По свеченостите, колумбиската актерка објави некои од омилените моменти со своите најблиски, меѓу кои и танцот со сестрата Вероника Вергара и внуката Клаудија Вергара и тоа во високи потпетици.

„Среќен ден на благодарноста“, напишала под видеото со емоџи од мисирка.

Во еден момент трите покажаа координиран танц — носејќи речиси идентични кафени, тесни фустани и многу високи потпетици.

Во видеото, Вергара, нејзината сестра и нејзината внука заводливо танцуваат за присутните на песната „Икс“ од Ники Џем и Џеј Балвин, па предизвика бројни коментари кај следбениците.

Благодарен сум за ова видео“; „Сите сме благодарни“, беа дел од коментарите.