Законот, донесен од претходната влада пред една година, ја регулира сопственоста на имотот на верските заедници, а Српската православна црква тврди дека нејзината вистинска цел е да го заплени нејзиниот имот во Црна Гора.

Илјадници демонстранти со црногорски знамиња ги исполнија улиците на Подгорица. Извикувајќи „Нема да им ја дадеме државата“, „Ова не е Србија“, „Ќе ја браниме Црна Гора од непријатели“ тие на денешниот протест го искажаа својот револт за обидот на новата влада е да ги избрише деловите од законот за слобода на вероисповед на кои се спротивставува Српската православна црква.

Владата на новиот премиер Здравко Кривокапиќ ги достави амандманите за измени во собраниска процедура по итна постапка за која не е потребна јавна расправа.

Протестот на кој се приклучија и колони автомобили со црногорски државни симболи го организираше група црногорски патриотски организации за да се „спротивстави на бришењето на црногорскиот државен и национален идентитет и србизација на историјата на Црна Гора“.

Револтираните граѓани активираа димни бомби и запалија факели пред крајот на протестот пред Собранието.

Претставниците партијата на претседателот Мило Ѓукановиќ, Демократска партија на социјалистите (ДПС), ги поздравија демонстрантите.

По веста дека повеќе луѓе носеле заштитна маска, но не држеле физичка дистанца, која ја пренесоа локалните медиуми, министерот за внатрешни работи, Сергеј Секуловиќ рече дека полициските службеници ќе дејствуваат превентивно, но ќе реагираат доколку е потребно за одржување на јавниот ред и мир и заштита на безбедноста на граѓаните.

Претходната влада на ДПС усвои закон за слобода на вероисповед пред точно една година. Тогаш започнаа масовни литии предводени од СПЦ која ја уверуваше јавноста дека целта на овој закон е да се заплени нејзиниот имот во Црна Гора.