Фото: Принтскрин/Јутјуб

ВИДЕО | Спој на две музички легенди: Слушнете ја новата песна на Здравко Чолиќ, текст и музика на Дино Мерлин

Балканската музичка ѕвезда Здравко Чолиќ денеска ја објави новата песна „Бирај ти“, која настанала во соработка со уште една музичка ѕвезда Дино Мерлин, а за која спотот е снимен во Сараево.

„Јело, вечерва како некогаш моето тело ќе затрепери, од живот или од смрт, ти одбери…“ По цели две години ви ја подарувам песната „Бирај ти“. Тоа е само една во низата премиери која ќе биде увертира на 16-тиот студиски албум“, напиша Здравко Чолиќ на својот официјален фејсбук-профил.

Тој понатаму наведува дека „Бирај ти“ е носталгична приказна за спомените и сеќавањата на една стара љубов која се враќа, а за чија судбина одлучува таа – Јелена.

„Тоа е песна која ќе ве расплаче и радува, но и ќе крши чаши – како од среќа, така и од тага. Текстот и музиката на песната ги потпишува мојот пријател Сарајлија, музичкиот волшебник Дино Мерлин. Зад музичкиот аранжман стои Марко Стојановиќ Луис, а спотот за песната е снимен под палката на режисерот Арнеј Мисирлиќ. Благодарност до сите соработници и пријатели кои учествуваа во создавањето на овој музички проект. Песната е достапна на сите стриминг платформи и на официјалниот профил на Јутјуб. Ве сака вашиот Здравко Чолиќ“, напишал славниот Чола.

Како што се наведува, видеото е снимено во Сараево.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот