На интернет кружи видео од Тејлор Свифт направено по доделувањето на Греми наградите, а познатата пејачка со својот потег ги воодушеви фановите и корисниците на социјалните мрежи. Имено, додека поминувала покрај персоналот кој работел на доделувањето на наградите, а подоцна и на забавата организирана по Греми, Тејлор застанала и извадила бакшиш од чантата и им го поделила на работниците.

Taylor Swift tipping workers at a Grammys after-party. pic.twitter.com/ZKygutX8M6

— Pop Crave (@PopCrave) February 12, 2025

„Таа секогаш шири љубов, тоа е прекрасно од неа“, „Можете да зборувате за нејзината музика сè што сакате, но таа е навистина добра личност“, „Таа порасна во моите очи“, беа коментарите на Икс.

Имаше и такви кои мислеа дека ова е само „добар маркетинг“. „Дали случајно се таму камерите? Да, секако…“, „Ова го планирала“, напишале некои.

Тејлор го привлече вниманието и минатата година кога, по големата и успешна светска турнеја, им подели значителни парични бонуси на своите танчери и на сите што соработуваа со неа. Таа, исто така, често донирала храна за оние кои имаат потреба и им помагала на луѓето кои биле погодени од природни катастрофи.

Во октомври минатата година таа донираше 5 милиони долари за жртвите од ураганот во Флорида, а истото го направи и по разорниот пожар што неодамна го зафати Лос Анџелес. Во нејзината објава на социјалните мрежи, таа потоа ги покани обожавателите и следбениците да ѝ се придружат.