Јаник Синер се пласираше во осминафиналето на грен слем турнирот Ролан Гарос по фантастичната партија против чешкиот тенисер Јиржи Лехечка.

Тенисерот број еден во светот од Италија славеше со 3:0 во сетови 6:0, 6:1, 6:2 во меч кој траеше еден час и 35 минути.

За само 23 минути, Синер го доби првиот сет, а 34 играч во светот немаше ниту шанса да го освои гемот.

Истата слика беше видена и во вториот сет, само што овој траеше 36 минути. Лехечка успеа да го добие првиот гем во дуелот дури на крајот од вториот сет и да намали на 5:1.

Италијанецот докажа во третиот сет дека е во фантастична форма. Иако загуби два гема од својот ривал, тој го приведе мечот до крај без поголеми проблеми и оствари нов триумф.

Холанѓанецот Грикспор со 3:2 во сетови 4:6, 6:1, 6:7 (2), 6:1 и 6:4 го елиминираше Американецот Квин.

Зверев од Германија со 6:2, 7:6 (4) и 6:1 триумфираше над Италијанецот Коболи, додека Британецот Дрејпер со 6:2, 6:4 и 6:2 го совлада Фонсека од Бразил. Без борба во следната фаза се пласираше Рубљов, откако неговиот противник Фис се повлече од турнирот поради повреда.

NO MERCY! 👊🇮🇹 Sinner drops just 3 games to send Lehečka packing 🔥#RolandGarros pic.twitter.com/nBA5oN8Wgd

— Roland-Garros (@rolandgarros) May 31, 2025