Фудбалерите на Атлетико Мадрид вчера испишаа историја во 24-тото коло од шпанската Примера и на свој терен славеа со убедливи 6:1 против Севиља.

Натпреварот го одбележија Диего Симеоне и Антоан Гризман кој беше еден од најдобрите не теренот и испишаа историја во клубот од Мадрид.

Диего Симеоне повеќе од една деценија го предводи Атлетико и вчерашниот натпревар беше негов 613. со што стана тренер со најмногу натпревари на клупата на „јорганџиите“.

Кога во прашање е Гризман тој го постигна 150. гол во дресот на Атлетико и така стана третиот најдобар стрелец во клупската историја. Пред Французинот се само легендарниот Адриан Ескудеро со 169 и поранешниот селектор на шпанија Луис Арагонес со 172. гола.

Интересна сцена видовме и по натпреварот кога Симеоне го бакна Гризман.

„Гризман го сакам како човек, но го вреднувам и како фудбалер. Бакнежот по натпреварот беше за неговата посветеност. По едни прекрасни години во Атлетико одлучи да замине, но потоа почувствува потреба да се врати и сега е со нас. Среќни сме што имаме таков играч на располагање“, изјави Симеоне по натпреварот.

? El beso de Simeone a Griezmann. #DeportePlus pic.twitter.com/hvC9JSqJ3H

— Fútbol en Movistar Plus+ (@MovistarFutbol) March 4, 2023