Швајцарската тенисерка Белинда Бенчиќ е последната патничка во полуфиналето на Вимблдон, откако во драматичен четвртфинален меч успеа да ја елиминира фаворизираната Русинка Мира Андреева. Искусната Бенчиќ славеше со 2:0 во сетови, и тоа по два тајбрека – 7-6(3), 7-6(2).

Со овој триумф, 35-та на ВТА листата обезбеди второ полуфинале на еден од четирите грен слем турнири во својата кариера.

Иако Андреева влезе во мечот како фаворитка, Бенчиќ уште еднаш покажа дека има ментална цврстина и искуство, особено во клучните моменти. Швајцарката одигра стабилно кога беше најпотребно, контролирајќи ги нервите во двата тај-брејка.

Во полуфиналето, Белинда ќе се соочи со првата носителка Ига Швјонтек, додека вториот полуфинален дуел на Вимблдон ќе го одиграат Арина Сабаленка и Аманда Анисимова.