Актуелниот европски шампион, селекцијата на Шпанија, игра во одлична форма на стартот од квалификациите за Светското првенство.

По убедливата победа над Бугарија од 3:0 во четвртокот, вечерва Шпанците вечерва ја прегзија врз Турција, триумфирајќи со 6:0 и притоа нанесувајќи им го најтешкиот пораз во 21. век. Ваков пораз турската селекција немала уште од 1984 година, а ова е првпат по цели 40 години да загубат со толкава разлика без да постигнат гол.

Катастрофата ја најави Педри уште во 6. минута, а до полувремето Мерино со два гола на асистенции од Ојарзабал веќе ги остави домаќините во нокаут. Но, Шпанија тука не застана и од 53. до 62. минута следуваше нова серија: Торес за 4:0, Мерино го комплетираше хет-трикот, а Педри, кој го отвори резултатот, го заокружи дебаклот на Турција.

Од друга страна, Германија успеа да избегне нов дебакл откако пред три дена загуби од Словачка. Иако на крајот триумфираше со 3:1 над Северна Ирска во Келн, „панцерите“ до 69. минута беа во незгодна ситуација со резултат 1:1. Сепак, благодарение на погодоците на Амири и Вирц, успеаја да дојдат до првите бодови во овој квалификациски циклус и да ја смират тензијата кај домашната публика.