По српската пејачка Дара Бубамара, Шпанците за учество на Евровизија ја плагирале Неда Украден и нејзината песна „Бомба“ од 2020 година, која таа ја изведе на Беовизија, тврдат српските медиуми.

Овогодинешните шпански претставници со песната „Zorra“ на групата „Небулоса“ предизвикаа многу коментари на интернет, пренесува српско „Мондо“.

„Извинете Шпанци, но ја имавме Неда Украден уште пред четири години! Победничката песна на Шпанија за Евровизија треба да биде дисквалификувана поради непочитување на правилата. Иста е како песната на Неда Украден“, е коментарот на социјалната мрежа Икс, поранешен Твитер.

Има и такви кои бараат итна реакција од жирито.

„Нè интересира што ќе направи жирито по ова прашање. Дали таа група гледа дека нивната песна е иста како онаа на Неда“, гласи друг коментар.

За овие контроверзии се огласи и самата Неда Украден.

– Штотуку се вратив од турнејата во Америка и немав можност да слушнам ниту една песна на Евровизија. Ако е точно тоа што го велите дека шпанската песна личи на мојата „Бомба“, тоа е, пред сè, комплимент, а второ – сигурно ќе платат! Ќе ја слушнам, ќе се консултирам со авторот и потоа ќе одлучам што ќе направам. Благодарам за информацијата – изјави пејачката.

Како што беше претходно напишано, Дара Бубамара во 2022 година ја обвини претставничката на Шпанија на Евровизија дека ја ископирала нејзината песна „Екстравагантно“. Песната ја направија Стефан Ѓуриќ Раста и Слободан Вељковиќ Цоби во 2017 година.

Евровизиски скандал: Почна истрага за изборот на словенечката песна, уредникот на натпреварот поднесе оставка

ВИДЕО | Евровизија пак засвири политички ноти: Украина е повторно фаворит за победа?