Фудбалскиот клуб Шкендија одигра уште еден пријателски натпревар во Анталија како подготовка за вториот дел од сезоната.

Тетовските „црвено-црни“ денеска ремизираа против екипата на Динамо Киев со конечен резултат 1:1.

По првото полувреме водеа играчите на тренерот Јетон Беќири со погодокот на Аденис Шала во 26 минута од средбата.

Украинците успеаја да го избегнат поразот во 60 минута кога мрежата на Шкендија ја затресе Ванат.

Стартниот состав на ФК Шкендија: Талески, Реџепи, Цаке, Мелиќи, Коцев, Ќака, Тотре (капитен), Красниќи, Шала, Адеми, Чинари.