Македонскиот џудист Еди Шерифовски го имаше својот олимписки настап во Париз. Тој во првата елиминациска борба во категоријата до 81 килограм, беше поразен од Гиљерме Шмит.

Иако на почетокот на борбата нашиот натпреварувал беше поактивен од противникот, сепак искуството на панамериканскиот шампион кој е четврто рангиран на светската листа дојде до израз.

Бразилецот, во третата минута од борбата успеа да оствари поени (ипон) и да се пласира во четвртфиналето.

Шерифовски беше третиот македонски олимпиец кој настапи на игрите во Париз, по пливачот Никола Ѓуретановиќ и Анастасија Мојсовска во спортско стрелаштво.

Следува голема пауза до следниот настап на македонските олимпијци. На 8 август кога ќе настапат таеквондистката Милјана Рељиќ и борачот Владимир Егоров.

Последен од нашите олимпијци ќе настапи атлетичарот Дарио Ивановски во маратонската трка закажана за 10 август.

– Им се заблагодарувам на сите за поддршката, до тренерите, Џудо федерацијата на Македонија, Македонскиот олимписки комитет. Се борев против еден фаворит во борба која не му дадов „многу почит“. Не беше сè на моја страна, имавме добра тактика, физички бев доста подготвен. Значи, не почувствував во физичкиот дел дека противникот е подоминантен – стои во дел од изјавата на Шерифовски по настапот во Париз.

Во продолжение изјавите на Еди Шерифовски и неговиот тренер Горан Мицкоски: