Повеќе од 55.000 луѓе од сите делови на Босна и Херцеговина и регионот синоќа ја исполнија улицата Титова во Сараево за да го прослават доаѓањето на Новата година заедно со хрватската пејачка Северина.

Северина излегла на сцената половина час пред полноќ. Во текот на нејзиниот настап, таа ја исполнила една од најфреквентните улици во Сараево. Според податоците на МУП на Кантонот Сараево, на концертот имало повеќе од 55.000 луѓе.

На репертоарот биле триесетина од најголемите хитови од нејзината кариера, но и неколку песни кои ѝ се особено драги. Еден од нив била „Сараево, љубави моја“ од Кемал Монтено, со кој таа ја вовела публиката во Новата 2025 година. Пред полноќ, на сцената ѝ се придружил и градоначалникот на Сараево, Предраг Пухариќ.

Во текот на настапот таа порачала дека сака во оваа година да не страда ниту едно дете. Таа им пружила поддршка и на студентите од Белград, кои исто така пристигнале во Сараево.

Инаку, освен Северина, на новогодишната ноќ во Сараево настапи и Ади Шоше. Во првите денови од 2025 година во Сараево ќе настапат и Нина Бадриќ, Бајага и „Прљаво казалиште“.